ញឹក ជូឡុង

ញឹក ជូឡុង 

 

ជិតស្និទ្ធព្រះរាជវាំង ។ លោកជាឪពុក លោកស្រី ជូឡុង សូមរ៉ា ភរិយា លោក សម តើ លោក ញឹក ជូឡុង កើតនៅថ្ងៃទី 23 សីហា 1908 នៅក្រុងភ្នំពេញ ពីគ្រួសារមន្ត្រី ប្រធាន គណបក្សប្រឆាំង នៅកម្ពុជា ។

 

លោក ញឹក ជូឡុង បានសិក្សានៅ អនុវិទ្យាល័យ ស៊ីសុវត្ថិ នៅភ្នំពេញ និង វិទ្យាល័យ CHASSELOUP LAUBAT នៅព្រៃនគរ ។ នៅវិទ្យាល័យនេះ លោកបានទទួល សញ្ញាប័ត្រ មធ្យមសិក្សា ផ្នែកទស្សនវិជ្ជា ។

 

លោក ញឹក ជូឡុង បានចូលបម្រើការងាររដ្ឋបាលនៅឆ្នាំ1932 ដែលគាត់បានទទួល បុណ្យសក្តិឡើងជាលំដាប់ថ្នាក់ ៖ ឆ្នាំ 1937ជា អភិបាល ខេត្តពោធិ៍សាត់, ឆ្នាំ 1939-1944 ជា អភិបាល ខេត្តកំពង់ចាម ។ នៅថ្ងៃ 9 មីនា 1945 មានការចាប់ឃុំខ្លួនបារាំង នៅ កម្ពុជា ដោយកងកម្លាំងជប៉ុន លោក ញឹក ជូឡុង បានត្រូវតែងតាំងជា អភិបាល ក្រុង-ភ្នំពេញ ។ ពីថ្ងៃ 14 សីហា ដល់ថ្ងៃ 16 តុលា 1945(3 ខែ) គាត់ជា រដ្ឋមន្ត្រីអប់រំជាតិ នៃ រដ្ឋាភិបាល លោក សឺង ង៉ុកថាញ់ ។ ពេលដែលបារាំងវិលត្រឡប់មកវិញ ពីថ្ងៃ 17 តុលា 1945 ដល់ថ្ងៃ 14 ធ្នូ 1946 គាត់ជា រដ្ឋមន្ត្រី ក្រសួងហិរញ្ញវត្ថុ នៃ រដ្ឋាភិបាល ដឹកនាំដោយ ស៊ីសុវត្ថិ មុនីរ៉េត ។ នៅពេលនោះ គាត់ជាមន្ត្រីហែហម ព្រះមហាក្សត្រ នរោត្តម សីហនុ មកស្រុកបារាំង ពីខែ មេសា ដល់ មិថុនា 1946។ នៅថ្ងៃទី 7 ធ្នូ 1946គាត់បានត្រូវតែងតាំងជា សមាជិក ប្រតិភូត្រតពិនិត្យពួកថៃ ឲ្យចាកចេញពី ខេត្តបាត់ដំបង ដែលពួកវ៉ាបានមកកាន់កាប់ខេត្តនេះ តាំងពីឆ្នាំ 1941 មក ។ នៅឆ្នាំ 1947 គាត់បាន បង្កើត គណបក្ស “ខេមរៈប៉ុណ្ណាការ” ដើម្បីចូលរួមបោះឆ្នោត តែគ្មានបានទទួលអាសនៈ នៅសភាទេ ។ នៅខែមេសា 1948គាត់ជា ប្រតិភូរបស់រដ្ឋាភិបាលកម្ពុជា អមឧត្តម ស្នងការបារាំង នៅឥណ្ឌូចិន និង នៅខែសីហា ឆ្នាំដដែល គាត់ជា ប្រតិភូកម្ពុជា នៅឧត្តម ក្រុមប្រឹក្សាសហភាពបារាំង នៅប៉ារីស ។ នៅខែកញ្ញា គាត់ជា សមាជិក គណៈប្រតិភូបារាំង នៅ អ.ស.ប. មានឋានៈជា ទីប្រឹក្សា ។ នៅថ្ងៃទី 22វិច្ឆិកា 1949គាត់បានទទួល ឋានន្តរសក្តិ ជាវរសេនីយឯក និង ជានាយកអគ្គបញ្ជាការ កងទ័ពខេមរភូមិន្ទ ។ នៅឆ្នាំ 1950លោកបានត្រូវតែងតាំងជា អភិបាលខេត្តបាត់ដំបង ដែលមានឋានៈស្មើ រដ្ឋមន្ត្រី ។ នៅថ្ងៃទី 1មករា 1951 គាត់បានវិលមកកាន់ រដ្ឋាភិបាល វិញ មានឋានៈជា រដ្ឋមន្ត្រី ក្រសួរញ្ញវត្ថុ រហូតដល់ថ្ងៃទី 14 ខុសភា 1951 ។ ថ្ងៃទី 5 ខែកញ្ញា 1951 ដោយមានការចូលរួមពី លោក លន់ នល់ គណបក្ស ខេមរៈប៉ុណ្ណាការ បានចូលរួមបោះឆ្នោត សភានីតិបញ្ញត្តិ បានទទួល 2 អាសនៈ ក្នុងសភាមានអាសនៈទាំងអស់78 ។ នៅឆ្នាំ 1953 ស្តេច សីហនុ បានចាកចេញពីភ្នំពេញ ដើម្បីធ្វើ រាជបូជនីយកិច្ចទាមទារឯករាជ្យ លោក ញឹក ជូឡុង ទទួលភារៈដឹកនាំ ក្រសួងភូមិន្ទពត៌មាន តាំងនៅបាត់ដំបង ។ នៅចុង ឆ្នាំ 1953 ពេលដែលកម្ពុជាបានទទួលឯករាជ្យបរិបូណ៌ពីបារាំង លោក ញឹក ជូឡុង បាន ត្រូវតែងតាំងជាថ្មី អភិបាលក្រុងភ្នំពេញ ។ នៅថ្ងៃទី ៧ មេសា 1954 គាត់បានត្រូវតែង តាំងជា ទេសរដ្ឋមន្ត្រី ទទួលបន្ទុក ក្រសួងការបរទេស និង សន្និសិទ (ហ្សឺណែវ) បន្ទាប់មក នៅថ្ងៃទី 18!មេសា 1954 គាត់មានភារៈមើល ក្រសួងការពារជាតិ រហូតដល់ថ្ងៃទី 31កក្កដា 1954 ។ នៅពេលនោះ គាត់បានទទួលឋានន្តរសក្តិជា ឧត្តមសេនីយខ្មែរទី 1 (លោក លន់ នល់ ជាឧត្តមសេនីយទី 2 ឆ្នាំ 1955) ដឹកនាំ ប្រតិភូខ្មែរ ផ្នែកយោធា មក ចូលរួមសន្និសិទហ្សឺណែវ ។ ក្នុងប្រតិភូយោធា មាន ៖ ញឹក ជូឡុង, នរោត្តម ចន្ទ រង្សី, ដាប ឈួន, ពុត ឆាយ ។ ប្រតិភូខ្មែរ ផ្នែកស៊ីវិល តំណាង មហាក្សត្រ សីហនុ មាន៖ ទេព ផន, សម សារី, សឺន សាន, ប៉ុក ធឿន, កុច សន, ហេងលី គឹមហេង ។ បន្ទាប់ពី សន្និ សិទ្ធហ្សឺណែវ ចប់រួចហើយ ដែលធានាឲ្យកម្ពុជា គ្មានបែងចែកទឹកដី លោក ញឹក ជូឡុង បានប្តូរមកជាអាជីព អង្គទូត វិញ ៖ ពីឆ្នាំ ១៩៥៥ ដល់ ១៩៥៧ លោកជា អគ្គរាជទូតខ្មែរ នៅ ជប៉ុន, សហភាពសូវៀត, ប៉ូឡូញ និង ឆេកូស្លូវ៉ាគី ។ ពីឆ្នាំ 1958ដល់ 1962 គាត់ បានវិលត្រឡប់ចូលរដ្ឋាភិបាលវិញ ។ ពីថ្ងៃទី 13 កុម្ភៈ 1962ដល់ ថ្ងៃ 6 សីហា 1962

 

គាត់ជា នាយករដ្ឋមន្ត្រី ។ នៅឆ្នាំ 1965 គាត់បានថតកុន នៃ ខ្សែភាពយន្តខ្នាតវែង “អប្សរា” របស់ សម្តេច សីហនុ ដោយលោកបានដើរតួ ទុត្តមសេនីយ ឫទ្ធី, ព្រះអង្គម្ចាស់ បុប្ផាទេវី ជា នាង

 

គន្ធបុប្ផា ។

 

នៅឆ្នាំ 1969គាត់បានដកខ្លួនមករស់នៅស្រុកបារាំង ទើបតែមកដល់ ទសវត្ស 80ទើបលេចឈ្មោះជាថ្មី ។ ចលនាតស៊ូ ហ៊្វុនស៊ិនប៉ិក ប្រឆាំងទៅរបបតែងតាំងដោយយួន បានបង្កើតឡើង ដោយ សម្តេច សីហនុ ជាប្រធាន លោក ញឹក ជូឡុង ជាអនុប្រធាន ។ ពី ឆ្នាំ 1989 ដល់ 1992គាត់ជា ប្រធាន ហ៊្វុនស៊ិនប៉ិក ។ លោក ញឹក ជូឡុង បានទទួល អនិច្ចកម្ម នៅថ្ងៃទី 9 មិថុនា 1996ក្នុងជន្មមាយុ 88 ឆ្នាំ នៅមន្ទីរពេទ្យ ក្រុងហុងកុង ។