នរោត្តម សុរាម្រិត

នរោត្តម សុរាម្រិត

 

 

 

ព្រះអង្គម្ចាស់ នរោត្តម សុរាម្រិត ជាបុត្ររបស់ ព្រះអង្គម្ចាស់ សុធារត្ន និង ម្ចាស់ក្សត្រី ផាន់ ង៉ាង៉ាម ។ សុធារត្ន និង ផាន់ ង៉ាង៉ាម ជា បុត្រា-បុត្រី ព្រះនរោត្តម តែមាតាដ៏ទៃខុស គ្នា ។ សុរាម្រិត ប្រសូត្រ នៅថ្ងៃទី 6 មីនា 1886នៅភ្នំពេញ ។ ព្រះអង្គបានធ្វើការសិក្សា នៅ អនុវិទ្យាល័យ ស៊ីសុវត្ថិ និង បន្ទាប់មក នៅ វិទ្យាល័យ CHASSELOUP-LAUBAT នៅ ក្រុងព្រៃនគរ ។ នៅពេលបញ្ចប់ការសិក្សា សុរាម្រិត បានធ្វើកម្មសិក្សាក្នុងរដ្ឋបាលបារាំង-អាណានិគម នៅឆ្នាំ 1918។ ព្រះសុរាម្រិត បានរៀបអាពាហ៍ពិពាហ៍ លើកទី1 ជាមួយ ម្ចាស់ក្សត្រី ឌួង ម៉ាធុរេត។ បន្ទាប់ពីអាពាហ៍ពិពាហ៍នេះ ព្រះសុរាម្រិតបានមកបម្រើការងារ នៅរាជវាំង ក្នុងឋានៈជាអង្គរក្ស និង ជាលេខាធិការឯកជនរបស់ ព្រះមហាក្សត្រ ស៊ីសុវត្ថិ ។ ដោយមានការមិនចុះសម្រុងគ្នានៃគ្រួសារឪពុក-ម្តាយ ខាងម្ចាស់ក្សត្រី អាពាហ៍ពិពាហ៍ទី 1 ចេះតែរកាំរកុះ ជាបុព្វហេតុឲ្យមានការលែងលះគ្នា ជាទីបញ្ចប់ ។ ព្រះសុរាម្រិត បានរៀប អាពាហ៍ពិពាហ៍ទី 2ជាមួយ ម្ចាស់ក្សត្រី កុសុមៈនារីរត្ន ជាបងប្អូនជីដូនមួយ ឌួង ម៉ាធុរេត និង ជាបុត្រី ព្រះមុនីវង្ស នៅថ្ងៃទី 12មីនា 1920។ ជាមួយនឹងមហេសី កុសុមៈ នេះ ដែល ព្រះសុរាម្រិត បានឲ្យកំណើតបុត្រាទោល ឈ្មោះ សីហនុ ។

 

ព្រះស៊ីសុវត្ថិ ចូលទីវង្គតនៅ ថ្ងៃទី 9 សីហា 1927 ព្រះអង្គម្ចាស់ មុនីវង្ស ក៏បាន ឡើងគ្រងរាជ្យនៅឆ្នាំដដែលនេះ ។ ព្រះមហាក្សត្រ មុនីវង្ស បានតែងតាំង ព្រះសុរាម្រិត ជា នាយក រាជស្ថានអធិការបតី (CHANCELLERIE ROYALE) នៅថ្ងៃទី 15 ធ្នូ 1927 ។ នៅ ថ្ងៃទី 1 មីនា 1928ព្រះសុរាម្រិត បានទទួលភារកិច្ចរៀបចំឲ្យប្រសើរឡើង នូវក្រសួង ព្រះរាជវាំង ។ នៅថ្ងៃ ៣០ មីនា ១៩២៩ ព្រះមុនីវង្ស បានតែងតាំង កូនប្រសារប្រុស សុរាម្រិត ក្នុងរាជរដ្ឋាភិបាល ដែលមានឋានៈស្មើ រដ្ឋមន្ត្រី សម្រាប់ក្រសួង នាវាសាស្ត្រ និង កសិកម្ម 1 ឆ្នាំ 1932 ទ្រង់សុរាម្រិត បានទទួលងារជា ក្រុមឃុន វិសុទ្ធខត្តិយវង្ស និង បានតែងតាំងជា តំណាងរាជរដ្ឋាភិបាលខ្មែរ នៅក្រុមប្រឹក្សាជាន់ខ្ពស់អគ្គរដ្ឋាភិបាល ។ នៅ ឆ្នាំ ១៩៣៥ ទ្រង់សុរាម្រិត បានទទួលបេសកកម្ម ធ្វើការនៅអម ទីស្តីការរដ្ឋមន្ត្រី អាណានិ គម នៅស្រុកបារាំង ។ ព្រះរាជបុត្រា សីហនុ បានឡើងគ្រងរាជ្យ នៅឆ្នាំ 1941 ព្រះ បិតា-មាតា សុរាម្រិត-កុសុមៈ ទ្រង់បានគ្រប់គ្រង របាំ និងប្រាសាទ ខេមរិន្ទ ។ នៅពេលបារាំងវិលត្រឡប់មកវិញ និង ក្នុងពេលដែល បុត្រា សីហនុ បួសជាព្រះសង្ឃ គង់នៅវត្ត កិច្ចការប្រទេសជាតិបានត្រូវ បុត្រា សីហនុ ប្រគល់ឲ្យបិតា គ្រប់គ្រង ។ ក្នុងពេលនោះ ព្រះសុរាម្រិត មាននាទីជា រ៉ាជានុសិទ្ធ នៃ ព្រះរាជាណាចក្រ កម្ពុជា ។ នៅឆ្នាំ 1955 ព្រះសីហនុ បានដាក់រាជ្យថ្វាយទៅព្រះបិតា ។ ពិធីបុណ្យរាជាតិ សេក នរោត្តម សុរាម្រិត ជាព្រះមហាក្សត្រ យ៉ាងអធិកអធម្ម បានប្រព្រឹត្តទៅ នៅថ្ងៃទី មីនា 1955។ ព្រះសុរាម្រិត មានមហេសីសំណប់មួយទៀត ឈ្មោះ ឃុនយោប ដែល អនុញ្ញាតឲ្យព្រះអង្គមានបុត្រីម្នាក់ (វិជ្ជរ៉ា), បុត្រាពីរនាក់ (សិរីវុឌ្ឍ, ប្រិយសោភ័ណ្ឌ) ។

 

នរោត្តម សុរាម្រិត ចូលទីវង្គត ថ្ងៃទី 3មីនា 1960 ម៉ោង 12 និង 45នាទី ក្នុង ជន្មាយុ74 ឆ្នាំ ។