វិស្សមការអំពិលអំពែក

ប្រលោមចិត្តភាគ ១

ថ្ងៃថ្មីនៅតែមាន ភាគ១

គ្មាននរណាម្នាក់អាចជ្រើសរើសកន្លែងកើតបាន ហើយក៏គ្មាននរណាម្នាក់ដែលល្អឥតខ្ចោះនោះដែរ។ យើងអាចធ្លាប់សាងកំហុស ទទួលភាពបរាជ័យ ធ្លាប់ទទួលការឈឺចាប់ ត្រូវគេមាក់ងាយ ហើយទទួលបានការវាយតម្លៃពីមនុស្សជាច្រើន ប៉ុន្តែថ្ងៃថ្មីនឹងអាចនាំនូវក្ដីសង្ឃឹមថ្មី ហើយយើងនៅតែមានឱកាសក្នុងការច្នៃវាសនាខ្លួនឯងឱ្យបានប្រសើរជាងថ្ងៃម្សិលមិញមិនខានឡើយ។ យើងត្រូវចេះផ្តល់ស្នាមញញឹម និងក្ដីសង្ឃឹមសម្រាប់ខ្លួនឯងជានិច្ច។ សិលា និងកញ្ចនាកើតនៅក្នុងវណ្ណៈផ្សេងគ្នា ជួបរឿងរ៉ាវជីវិតផ្សេងគ្នា ប៉ុន្តែអ្វីដែលពួកគេមានស្រដៀងគ្នានោះគឺ ត្រូវហែលឆ្លងឧបសគ្គជីវិតរាប់សិបជំពូក ដើម្បីទទួលបានជីវិតដែលពួកគេចង់បាន។ តើខ្សែជីវិតអ្នកទាំងពីរនឹងទៅជាយ៉ាងណា?

នភាល័យ ភាគ២

"ចិញ្ចៀនផ្កាស្មៅជាបំណងប្រាថ្នារបស់នារីដ៏សាមញ្ញម្នាក់ ចិញ្ចៀនកូនក្រមុំសម្រាប់ថ្ងៃមង្គលការរបស់នាង មិនមែនជាចិញ្ចៀនដាំពេជ្រ អួតអាងពីឧត្ដមភាពខ្ពង់ខ្ពស់អ្វីឡើយ។ នាងសុំត្រឹមតែ “ចិញ្ចៀនផ្កាស្មៅ”​​ ដែលបំពាក់ឱ្យនាងដោយដៃបុរសដ៏ស្មោះត្រង់ម្នាក់។ សុភមង្គលជីវិតគូសម្រាប់នាងគឺ ស្វាមីដ៏ល្អ ដែលចេះផ្ដល់ឱ្យភរិយានូវទំនួលខុសត្រូវ ការយកចិត្តទុកដាក់ ចេះអត់ឱន មានអធ្យាស្រ័យល្អចំពោះគ្នា មានបេះដូងតែមួយដូចគ្នា ហើយមិនបោះបង់គ្នាគ្រប់គ្រាដែលលំបាក។"

មន្តមេត្រី

ក្នុងសម័យយុគមាសនៃទសវត្ស៦០ រឿងរ៉ាវស្នេហារវាងផលិតករភាពយន្តនិងសិល្បការនីផ្នែកល្ខោននិយាយប្រចាំវិទ្យុជាតិដែលមហាជនធ្លាប់បានដឹងលឺកាលពីសម័យនោះត្រូវបានសើរើឡើងវិញ ក្រោយពេលយុវតីម្នាក់ទទួលបានដឹងដំណឹងប្រកាសស្វែងរកលោកយាយរបស់ខ្លួន។

រឿងសុបិន្ត ២១រឿងខ្លី

"ដោយសារទេពកោសល្យនៃការសរសេររឿងខ្លីៗ អ្នកនិពន្ធ សុខ ចាន់ផល ក៏ត្រូវបានអ្នកស្នេហាអក្សរសិល្ប៍ជាច្រើនស្គាល់ និងទទួលស្គាល់ថាជាអ្នកនិពន្ធឆ្នើមម្នាក់នៅក្នុងតំបន់អាស៊ីអាគ្នេយ៍។ មានស្នាដៃរឿងខ្លីចំនួន ២១ នៅក្នុងសៀវភៅមួយក្បាលនេះ ដែលចាត់ទុកថាជាឯកសារដ៏សំខាន់មួយ ចំពោះជីវិតជាអ្នកនិពន្ធរបស់លោក។ លោកអ្នកនឹងអានប៉ះសិល្ប៍វិធីនិទានរឿងយ៉ាងសាមញ្ញ តែអាចឆ្លុះបង្ហាញ យ៉ាងរស់រវើកអំពីតថភាពជីវិត ប្រកបដោយខ្លឹមសារដក់ជាប់ក្នុងចិត្ត។ អ្វីដែលគួរឱ្យចាប់អារម្មណ៍មួយទៀតនោះ គឺសាច់រឿងភាគច្រើន ហាក់ដូចជាតាក់តែងឡើងដោយបានមកពីការយល់សប្តិ។ ជាយុវអ្នកនិពន្ធម្នាក់សុភាពរាបសាមិនសូវនិយាយស្តីជាមួយខ្ញុំមែន ប៉ុន្តែក្នុងការនិពន្ធរឿង គេសម្បូរពាក្យពេចន៍វាក្យសព្ទពីរោះប្លែក សម្បូណ៌គំនិតណាស់ និងជាអ្នកនិពន្ធវៃឆ្លាត។ - ប៉ិច សង្វាវ៉ាន The best short fiction writer in Cambodia at this time. -Teri Yamada ខ្ញុំចាត់ទុកស្នាដៃរបស់លោកជាវិភាគទានដ៏មានតម្លៃមួយ ចំពោះអក្សរសិល្ប៍ខ្មែរ។ - យិន លូត Sok Chanphal could well be the O. Henry of Cambodia in this century. OKADA, Tomoko"

ត្រពាំងត្រាំវិញ្ញាណ

កម្រងរឿងក្រៅភព

ស្នាដៃ​មួយ​នេះ​មាន​បញ្ចូល​រឿង​ខ្លី​ចំនួន​បី​ ក្នុង​នោះ រឿង រុយ ទទួល​បាន​ភាព​ល្បី​ល្បាញ​ពេញ​ពិភព​លោក ដោយ​សារ​សាច់​រឿងប្រតិដ្ឋ​ បែប​វិទ្យាសាស្ត្រ ដែល​តួអង្គ​ឯក​ចូល​ផុង​ខ្លួន​យ៉ាង​ជ្រៅ​ទៅ​ក្នុង​របក​គំហើញ​ ដ៏​អស្ចារ្យ​មិន​ធ្លាប់​មាន​ក្នុង​ប្រវត្តិសាស្ត្រ​របស់​មនុស្ស​ជាតិ ។

បល្ល័ង្កព្រៃ

រឿងរ៉ាវព្រៃអាគម ល្បីរហូតធ្វើឱ្យអ្នកភូមិមួយដែលរស់នៅក្បែរនោះកើតក្តីខ្លាចរអា។ ឯអ្នកភូមិមួយចំនួនក៏ចេះតែបាត់ខ្លួនពីមួយថ្ងៃទៅមួយថ្ងៃ។ ព្រៃដែលធ្លាប់តែមានភាពស្រស់បំព្រងក្លាយជាដងព្រៃដ៏ស្ងាត់ ជ្រងំ បាត់អស់សំឡេងសត្វយំ ពិដោរផ្កាព្រៃ ជំនួសដោយក្លិនឆ្អាបឈាមពាសពេញ។

ស្នេហ៍កាមទេព

រូបភាពក្របសៀវភៅ ដែលទាក់ភ្នែកមិត្តអ្នកអាន ព្រមជាមួយ នឹងចំណងជើងថា “ស្នេហ៍កាមទេព” អ្នកនិពន្ធមានជំនឿថា នឹង មិនធ្វើឱ្យមិត្តអ្នកអានព្រិលស្រវាំងកែវភ្នែក ឈ្លក់វង្វេងរហូតដល់ទៅ មមើមមាយខូចសតិអារម្មណ៍ល្អៗនោះឡើយ ។ ព្រោះអឺរូបភាពបែប នេះ ជាគ្រឿងសាមញ្ញ (Simple) ពេកកន្លងណាស់ទៅហើយ សម្រាប់មនុស្សជាតិ ក្នុងសតវត្សទី ២០ យើងនេះ ។ មិនតែប៉ុណ្ណោះ រូបភាពបែបនេះ ហើយនឹងខ្លាំងជាងនេះ មិត្ត អ្នកអានក៏ធ្លាប់បានក្រេបជញ្ជក់រៀងរាល់អាទិត្យ. រៀងរាល់ខែទៅ តាមទំព័រសារពត៌មាន និងទស្សនាវដ្តីខ្លះៗមកហើយដែរ ។

បាក់ទឹកដោះ

"អំពីអ្នកនិពន្ធ សយ ស៊ីណា ទទួលជ័យលាភីលេខ១ ផ្នែកកំណាព្យ ចំណងជើង ""ក្រដាស"" ពីសមាគមប៊ិកកម្ពុជា ក្នុងឆ្នាំ២០១៥។ ក្នុងឆ្នាំ២០១៧ លោក ទទួលពានរង្វាន់អ្នកនិពន្ធឆ្នើមពី “ប្រលោមលោកសប្បាយ” ផ្នែកប្រលោម លោកខ្នាតខ្លី ក្រោមចំណងជើង ""ខ្មោចទាររបស់”។ ក្នុងឆ្នាំ២០១៨ លោក ទទួលជ័យលាភីលេខ២ ផ្នែករឿងខ្លី ក្រោមចំណងជើង “រឿងនិទានអំពីម៉ែ” លើប្រធានបទ ""ការចងចាំអំពីអ្នកម្តាយ” ដែលរៀបចំឡើងដោយក្រុមហ៊ុន សប្បាយ។ បន្ថែមពីនេះ លោកបាននិពន្ធកំណាព្យ រឿងខ្លី ប្រលោមលោក ខ្នាតខ្លីបានមួយចំនួន រួមនឹងបានចូលរួមនិពន្ធភាពយន្តខ្នាតធំ ភាពយន្តភាគ ភាពយន្តខ្នាតខ្លី និងល្ខោនវិទ្យុបានមួយចំនួនតូចផងដែរ។ សូមឧទ្ទិសដល់ម៉ែ ជាព្រះដែលគាំទ្រស្នាដៃកូនយ៉ាងស្ម័គ្រស្មោះ"

ទន្លេចាំជាតិ

នៅដើមខែវិច្ឆិកា ១៩៩៨ ពេលដែលខ្ញុំជិះរថភ្លើងទៅលេងខេត្តចាត់ ដំបងជាទឹកដីកំណើត ខ្ញុំបានផុសគិតតាមផ្លូវជាប់រហូត ថានឹងសរសេររឿង “ទន្លេចាំជាតិ” នេះ ។ អាចនឹងមានសំនួរចោទសួរខ្ញុំភ្លាមថា តើ “ទន្លេចាំជាតិ” នេះនៅឯណា? មានតែក្នុងក្តីស្រមៃរបស់អ្នកនិពន្ធ ឬមាននៅលើលោកនេះដែរ ? ការពិត នេះគឺជារហ័ស្សនាមនៃទន្លេមួយ ដែលប្លែកជាងគេបំផុតនៅលើ ផែនដីនេះ ឬជាទន្លេបួនមុខ ដែលសម័យស្តេចពញាយ៉ាត បានប្រសិទ្ធនាម ហៅថា ទន្លេច្រាបឈាម ឈ្មោះ ! ។

ផ្កាត្បូងទទឹម

នាងមិនបានដឹងឡើយថា នៅពេលដែលនាងដកកូនរុក្ខជាតិនោះមកដាំ ជីវិតរបស់នាងនឹងត្រូវផ្លាស់ប្តូរទាំងស្រុងនោះទេ។ នាងពិតជាត្រូវស្លាប់មែនទេ ប្រសិនបើផ្កានោះស្រពោន ហើយរលួយ?ប្រសិនបើប្អូនមានឧបករណ៍ បង្វិលពេលវេលា តើប្អូននឹងបង្វិលទៅអតីតកាល ឬក៏អនាគត?