អ្នកបដិវត្តន៍ក្លែងក្លាយ

ជាងមួយឆ្នាំមកហើយ ដែលជនជាតិខ្មែររស់នៅក្នុងបរិយាកាសមួយ ប្រកបដោយភាពតានតឹងចង្អៀតចង្អល់ស្ទើរប្រេះដើមទ្រូងស្លាប់។ ពេលយប់ ក៏ដូចជាពេលថ្ងៃ ជនជាតិដែលជាអតីតអ្នកចំបាំង ដ៏មានតេជៈដៃនៅលើ ជ្រោយឥណ្ឌូចិន កាលក្នុងសម័យមហានគរនោះហាក់ដូចជារសេះរសោះ ហើយហាក់ដូចជាកំពុងស្ថិតនៅលើលំហអាកាសវេហាស៍ ឥតកោះត្រើយ រសាត់ដែលចោលតាមយថាកម្ម ។ ខែប្រាំង, ខែវស្សា, រដូវរំហើយ ផ្លាស់វេនគ្នាជាបន្តបន្ទាប់, តែទុក្ខ សោក និងការជ្រួលច្របល់ឥតមានផ្លាស់ប្តូរសោះពីផែនដីខ្មែរ ម៉្លោះហើយ បរិយាកាសនៃសង្គមជាតិខ្មែរមានតែការរួតរិតឥតលំនឹងប៉ុណ្ណោះ ។