តេជោមាស តេជោយ៉ត

អាពាហ៍ពិពាហ៍ក្រាលឈាម

សោកនាដកម្ម មួយបានកើតឡើងនៅក្នុងពិធីមង្គលការរបស់កូនកំលោះក្រមុំមួយគូដែលធ្វើឱ្យគ្រប់គ្នានៅក្នុងពិធីរន្ធត់ជាខ្លាំង។ ជាអកុសលកន្យាជាកូនក្រមុំ និងជាមនុស្សសំខាន់ក្នុងពិធីបែរជាត្រូវដេកស្ដូកស្ដឹងនៅលើថ្លុកឈាមក្រហមច្រាលទៅវិញ។

សែងសុរិយា

"សែងសុរិយាគឺជាប្រលោមលោកបែបមនោសញ្ចេតនាដែលរៀបរាប់ពីជីវិតស្នេហាកូនភ្លោះទាំងពីរ ដែលមានវាសនាខុសគ្នាដូចមេឃនិងដី ដែលពួកគេមានឈ្មោះថា យុទ្ធនា និង សមុទ្រ។ កូនភ្លោះទាំងពីរនាក់នេះបានរស់នៅបែកគ្នាតាំងពីតូចដល់ធំ រហូតដល់ពេលមួូយពួកគេបានជួបគ្នា អ្នកទាំងពីរក៏សម្រេចចិត្តប្ដូរកន្លែងរស់នៅគ្នា ដែលជាការលះបង់របស់សមុទ្រដើម្បីរក្សាសុវត្ថិភាពរបស់យុទ្ធនា។ ដូចនេះធ្វើឱ្យបេះដូងវង្វេងស្នេហ៍កែប្រែជីវិតកូនភ្លោះទាំងពីរឱ្យធ្លាក់ក្នុងទីលានប្រកួតប្រជែងមួយដែលស្មានមិនដល់ ប៉ុន្តែការប្រជែងមួយនេះមិនមែនជាការប្រជែងដណ្ដើមស្នេហ៍ទេ ប្រែក្លាយជាការប្រជែងគ្នាលះបង់ស្នេហ៍ ស្មោះប្ដូរយកក្តីស្រឡាញ់ដោយជីវិតមិនសោកស្ដាយ។ មានតែសែងសុរិយាប៉ុណ្ណោះ ដែលយល់អត្ថន័យស្នេហ៍ពិតមិនកំណាញ់រស្មី ផ្ដល់ក្តីសង្ឃឹមដល់គូស្ម័គ្រស្មោះភក្តីអស់កាលជានិច្ច។"

ជាតិមុនខ្ញុំជានរណា?

លីលីបានទទួលថាមពលពីដុំថ្មពិសេសមួយ ធ្វើឲ្យនាងឆ្លងទៅអតីតកាលបានមួយភ្លេតៗ នាងបានប្រាប់ទៅគេគ្រប់គ្នា តែគ្មានអ្នកណាជឿឡើយ។ លីលីបានតាំងចិត្តថានឹងទៅរកចង់ដឹង ចង់គ្រប់គ្រងថារូបនាងជាតិមុនជានរណា និងចង់ដឹងពីដុំថ្មពិសេសនោះថាវាមកពីណា។

មេឃាចៅជ្រាយ៉ាង តារាចតុមុខ

ដោយហេតុថា ផែនដីវិលជុំវិញព្រះអាទិត្យ ទើបជីវិតមនុស្ស ក៏ចេះតែវិលជុំវិញផែនដីយ៉ាងនោះដែរ ។ ឯសេចក្តីស្នេហា ដែលជាសន្សើមប្រស់ព្រំជីវិតឱ្យលូតលាស់ ស្រស់បំព្រងនោះ ក៏ចេះតែស្រោចស្រពបន្តមកទៀត មកលើ បេះដូងយុវវ័យទំនើប ទោះជាចិតក្នុងសុបិនទាំងបួនរដូវនៅលើ ឧទ្យានមួយលានផ្កា នៃប្រទេសណាក៏ដោយ ។

ផ្ការីកនាយសមុទ្រ

តើយើងអាចនឹងមើលថ្ងៃលិច ថ្ងៃរះជាមួយគ្នាបានទេ? គេសួរសំណួរដោយមិនមើលមុខខ្ញុំហើយក៏សម្លឹងទៅឆ្ងាយ វាប្រហែលជាឃ្លាសំណួរមួយដែលខ្ញុំអាចកាត់ន័យយល់អត្ថន័យបានហើយ។ គេជាស្នេហាដំបូងរបស់ខ្ញុំ!

សម្លាញ់មិនមែនស្រឡាញ់

ខ្ញុំលួចស្រលាញ់មិត្តភក្តិខ្លួនឯងអស់រយៈពេលពីរឆ្នាំមកហើយ ប៉ុន្តែជំនួសឱ្យការស្រលាញ់ គេចាត់ទុកខ្ញុំត្រឹមជាសម្លាញ់ប៉ុណ្ណោះ។ស្នេហ៍តែម្ខាងដែលម្នាក់ព្យាយាមលាក់បាំងចំពោះអ្នកដែលមិនច្បាស់ពីអារម្មណ៍របស់ខ្លួន តែបែរជាម្នាក់ផ្សេងទៀតជាអ្នកទទួលដឹងឮ។

រំដួល សុរិន្ទ

ព្រះគង្គា ព្រះធរណី ព្រះអគ្គី និងព្រះពាយ មិនដែលហាម មនុស្សប្រុសស្រី មិនឱ្យស្រឡាញ់គ្នានោះទេ ទោះជានៅឆ្ងាយពីគ្នារហូត ដល់ឆ្លងភព ឆ្លងទ្វីបបែបណាក៏ដោយ ។ ប៉ុន្តែ សង្គម ប្រពៃណី ទំនៀមទំលាប់វប្បធម៌ នៃប្រទេសនោះ ។ ទេ ដែលចេះតែបួញមាត់បត់ដុំដៃ ថាអីចេះ ! អីចុះ...! ។

ពលទោអភ័ព្វ

សេចក្តីស្នេហា កាលណាវានាំមកជាមួយនូវទុក្ខលំបាកវេទនាក្លេ​ ក្រហាយរោលរាល នោះវាហាក់ដូចជាថិតនៅត្រាំត្រែងយូរពិបាកនឹង រែកពុនទ្រាំទ្រជាអនេក មិនខុសពីរូបចម្លាក់បេះដូងដែលឆ្លាក់ជាប់នៅលើ ដើមឈើ មុតជ្រៅស្អិតដិតជាប់មិនងាយរលប់បាត់ឡើយ ទាល់តែពេល ណាដែលដើមឈើនោះដួលរលំទើបរូបបេះដូងនោះរលប់រលាយទៅដែរ!

រាជវាំងក្រោមដី

ក្នុងដំណើររុករករាជវាំងក្រោមដី​ ដែលជា​ទី​ដ៏ពិសិដ្ឋ​និងជា​ភារកិច្ច​ដែលត្រូវបំពេញ។ សោមា ចន្ទ្រា នឹងនាំទាំងអស់គ្នាទៅកាន់ដែនដីដែលត្រូវបានហៅថា «សមុទ្រអាណាចក្រទេព» លើសពីនេះនាង​ នឹងនាំអ្នកអានទៅកាន់ដែនដី​អនាគត​ ជួបរឿង​ភ្ញាក់ផ្អើល​ និង​មហស្ចារ្យ​រាប់មិនអស់។

ប្រលោមចិត្តភាគ ១

នភាល័យ ភាគ៣

"“សម្រាប់ជីវិតយើងមានពេលវេលាតែមួយថ្ងៃប៉ុណ្ណោះគឺថ្ងៃនេះ! បើយើងប្រើពេលវេលាថ្ងៃនេះឱ្យអស់ដោយឥតតម្លៃ ថ្ងៃស្អែកប្រាកដជាគ្មានសម្រាប់យើងឡើយ។ ការសម្រេចចិត្តថ្ងៃនេះ គឺជាការបញ្ចប់ពេលវេលារបស់ថ្ងៃស្អែក ព្រោះពេលវេលាថ្ងៃនេះប្រៀបដូចខ្សែទឹកហូរ ដែលមិនអាចវិលត្រលប់។ បើថ្ងៃនេះក្លាយជាថ្ងៃម្សិលមិញហើយ គ្រប់យ៉ាងនឹងក្លាយជាអតីតកាល ហើយជីវិតអាចនៅសល់ត្រឹមតែការចងចាំប៉ុណ្ណោះ។”"

មុនថ្ងៃហៀបលិច ភាគ១

ដំណើរជីវិតមនុស្សហាក់ដូចជាការធ្វើដំណើរតាមផ្លូវកងចក្រមួយដែលទោះបីយើងចេញឆ្ងាយពីកន្លែងធ្លាប់រស់នៅ ខានជួបមុខមនុស្សដែលយើងធ្លាប់ជាប់យូរយ៉ាងណា ក៏ថ្ងៃណាមួយយើងនឹងបានជួបគេនៅកន្លែងថ្មីផ្សេងទៀត ដោយភាពចៃដន្យ!