ហេតុអ្វីបានជាសិស្សនិទ្ទេស "A" ធ្វើការឲ្យសិស្សនិទ្ទេស "C" ហើយសិស្សនិទ្ទេស "B" ធ្វើការឲ្យរដ្ឋាភិបាល?

មេរៀននៃការចាប់ផ្ដើមគ្រប់គ្រងអាជីវកម្មរបស់សហគ្រិនកម្ពុជា

មេរៀននៃការចាប់ផ្តើម និងគ្រប់គ្រងអាជីវកម្មរបស់ សហគ្រិនកម្ពុជា សមិទ្ធផលដែលគ្រប់គ្នាបានឃើញនៅថ្ងៃនេះ មិនមែនកើតចេញពីការប្រឹងប្រែងពីម្សិលមិញនោះទេ ដើមឈើដែលកំពុងដុះត្រសុំត្រសាយ នឹងចាក់បួសយ៉ាងមាំនេះ ត្រូវបានគេដាំចេញពីគ្រាប់ពូជមួយគ្រាប់ កាលពីជាង១០ឆ្នាំមុនមកម៉្លេះ។ ខុសពីរុក្ខជាតិដែលលូតលាស់បានដោយសារដី ទឹក ខ្យល់ និងពន្លឺ ដើមឈើអាជីវកម្មអាចចាប់កំណើត និងលូតលាស់បានដោយសារគំនិត ឱកាស ឥរិយាបថ និងគុណតម្លៃ។ ប៉ុន្តែរឿងដែលពិបាកគឺនៅត្រង់ថា ឱកាសដាកត្តាខាងក្រៅ មិនមានភាពជាក់លាក់ ហើយក៏មិនស្ថិតនៅក្នុង ការចាត់ចែង ឬចង់បានរបស់យើងនោះទេ។ អ្វីដែលយើងអាចធ្វើជាម្ចាស់ការបាន គឺមានតែការប្រឹងគិត ប្រឹងធ្វើ និងរក្សាភាពស្មោះត្រង់ប៉ុណ្ណោះ។ មូលដ្ឋានទាំងបីនេះ ជាការត្រៀមលក្ខណៈសម្រាប់ចាប់យកឱកាស ដែលនឹងមកដល់នៅពេលណាមួយ និងដើម្បីបង្កើតឱកាសដោយខ្លួនឯង។ គួរឲ្យស្តាយ មនុស្សតឡូវនេះ ភាគច្រើនសុទ្ធតែចង់ក្លាយទៅជាអ្នកមាននៅក្នុងល្បឿនផ្លេកបន្ទោរ។ គេមិនបានព្យាយាមស្វែងយល់ឬសរាល់ពិតប្រាកដនៃភាពជោគជ័យនោះទេ។ គេពុំទាន់ទាំងយល់ផងថា ដើម្បីឲ្យបានទិន្នផល គេត្រូវបញ្ចេញកម្លាំង ហើយដើម្បីបានទិន្នផលច្រើន គេត្រូវការបញ្ចេញកម្លាំងច្រើន។ គេក៏ពុំទាន់អាចទទួលបានដែរនូវការពិតដែលថា អ្វីៗសុទ្ធតែត្រូវការពេលដើម្បីអាចរីកធំធាត់។ ច្បាប់ធម្មជាតិ គឺសាមញ្ញណាស់ ហើយក៏គ្មានខុសអ្វីពីដំណើរប្រព្រឹត្តទៅនៃអាជីវកម្មដែរ។ រឿងរ៉ាវរបស់សហគ្រិនទាំង១២រូប នៅក្នុងសៀវភៅនេះ នឹងរៀបរាប់អំពីដំណើររីកលូតលាស់ដ៏សាមញ្ញរបស់អាជីរកម្មពួកគាត់ដែលកើតចេញពី ការផ្គុំចូលគ្នានៃគំនិតដ៏ត្រឹមត្រូវមួយ ការប្រឹងប្រែងជាប់ឥតដាច់ ភាពស្មោះត្រង់ និងពេលវេលាដែលស័ក្តិសម។ តើគេបានចាប់ផ្តើមក្រុមហ៊ុនទាំងនោះដោយរបៀបណា? តើអ្វីជាដើមហេតុដំបូងបង្អស់ដែលធ្វើឲ្យគេមានសមត្ថភាព លទ្ធភាព និងចំណូលចិត្តក្នុងការចាប់ផ្តើមអាជីវកម្មនោះ? តើគេស្វែងរក និងរក្សាអតិថិជនបានដោយរបៀបណា? តើគេប្រើវិធីសាស្ត្រអ្វីដើម្បីគ្រប់គ្រងបុគ្គលិក? តើគេធ្វើដូចម្តេចដើម្បីរក្សារទំនាក់ទំនងល្អជាមួយ ម្ចាស់ភាគហ៊ុន? តើគេធ្លាប់ជួប និងដោះស្រាយបញ្ហាលំបាកៗ បែបណាខ្លះនៅក្នុងដំណើរអាជីវកម្ម? តើគេទទួលបានបទពិសោធន៍យ៉ាងណាខ្លះពីការវិនិយោគ លើឱកាសអាជីវកម្មថ្មីៗ? ចម្លើយទៅកាន់សំណួរទាំងនេះមាននៅក្នុងកិច្ចសន្ទនាជាមួយ សហគ្រិនទាំង១២រូប។

ហ្រ្វេនឆាយ

សៀវភៅមួយក្បាលនេះ នឹងប្រាប់អំពី របៀបត្រៀមខ្លួនល្អបំផុត ដើម្បីធ្វើជាម្ចាស់យីហោរហ្វ្រេនឆាយ ក្បួនលក់សិទ្ធអាជីវកម្ម ដែលសហគ្រិនក្នុងស្រុកធ្លាប់បានប្រើប្រាស់ រូបមន្តជោគជ័យរបស់អាជីវកម្ម ដែលកំពុងពេញនិយមលើទីផ្សារ

តិចនិចផ្សព្វផ្សាយចាយលុយតិច

តិចនិចផ្សព្វផ្សាយចាយលុយតិច ផ្សាយពាណិជ្ជកម្មឡានដោយគ្មានរូបឡាន QR code ដែលមនុស្ស ២០លាននាក់បានស្កេនក្នុងពេល១នាទី! ផ្ទាំងផ្សព្វផ្សាយដែលទាក់ទាញទាំងមនុស្ស ទាំងឆ្កែ ប្រើគូប្រជែងឲ្យផ្សព្វផ្សាយឲ្យដោយមិនដឹងខ្លួន ស្កុតបិទទំនិញសម្រាប់ជួយសង្គ្រោះជីវិតមនុស្ស ផ្សាយពាណិជ្ជកម្មឡានក្នុងកម្មវិធីធំបំផុតដោយមិនចាយលុយផ្សាយ ប្រើតែលេខទូរស័ព្ទមួយខ្សែ មិនចាំបាច់អស់លុយផ្សាយពាណិជ្ជកម្ម១រៀល យកពាក្យជេរទៅសុំទោស តែបានផលមែនទែន ពាណិជ្ជសញ្ញាដែលធ្វើឲ្យពិភពលោកសើចចំអក ហ្វឹត Highlight ដែលលាតត្រដាងមនុស្សអស្ចារ្យ សំបុត្ររថភ្លើងជាង១០៩ ដែលអាចជំនួសសំបុត្រយន្តហោះតម្លៃរាប់ពាន់є កម្មវិធីដែលទាក់ទាញអ្នកចូលរួមប្រកួតបានជិត ៤លាននាក់ ផ្សាយម៉ាកយីហោរបស់ខ្លួនក្នុងកម្មវិធីធំរបស់ដៃគូប្រជែង ថ្នាំព្យាបាលជំងឺរើសអើងជាតិសាសន៍ តើគេរៀបចំយុទ្ធនាការទាំងនេះតាមរបៀបណា? បានលទ្ធផលអ្វីខ្លះ? ចាយអស់តិចប៉ុណ្ណា? ហើយអាចយកមកអនុវត្តក្នុងអាជីវកម្មជាក់ស្តែង បានកម្រិតណា? តោះ! រៀនពីយុទ្ធនាការល្អៗបំផុតដែលគេធ្លាប់ ប្រើប្រាស់បានជោគជ័យ និងឈ្នះពានរង្វាន់ផ្នែកគំនិតច្នៃប្រឌិត។ សិក្សាពីការផ្សព្វផ្សាយបែបភ្ញាក់ផ្អើល (Guerrilla Marketing). បែបចម្រូងចម្រាស (Controversial Marketing). បែបពិសោធន៍ផ្ទាល់ (Experiential Marketing), បែបទំនាក់ទំនង (Relationship Marketing). យុទ្ធនាការបណ្តាញសង្គម (Social Media Campaigns), និងទំនាក់ទំនងសាធារណៈ (Public Relations)។

ហេតុអ្វីបានជាសិស្សនិទ្ទេស "A" ធ្វើការឲ្យសិស្សនិទ្ទេស "C" ហើយសិស្សនិទ្ទេស "B" ធ្វើការឲ្យរដ្ឋាភិបាល?

អំណាច

សៀវភៅអំណាចមួយក្បាលនេះ ស័ក្តិសមបំផុត សម្រាប់លោកអ្នក ចង់ក្លាយជាមេដឹកនាំមានអំណាចកំពូល ដើម្បីដឹកនាំបុគ្គលិក ក្រុមការងារ និងក្រុមហ៊ុន ឱ្យទទួលបានសម្លទ្ធិផលដ៏អស្ចារ្យ។ ហើយអ្នកដឹកនាំគ្រប់រូប បើគ្មានអំណាចក្នុងការដឹកនាំទេ មិនអាចបង្កើតលទ្ធផលដ៏អស្ចារ្យ ចារទុកក្នុងប្រវត្តិសាស្ត្រ បាននោះដែរ។ ព្រោះអំណាចរបស់មេដឹកនាំ គឺស្ថិតនៅលើ សិល្បៈក្នុងការដឹកនាំ ដាំបណ្តុះបុគ្គលិកឱ្យខ្លាំង និងបង្កើតច្បាប់ ដ៏មានអំណាច ដើម្បីឲ្យមនុស្សគោរពតាម។ ខ្ញុំជឿជាក់យ៉ាង មុតមាំថា សៀវភៅអំណាចមួយក្បាលនេះ នឹងនាំឱ្យលោកអ្នកបាន ស្គាល់ និងជួបរឿងរ៉ាវរបស់មេដឹកនាំមានអំណាចៗអស្ចារ្យជាច្រើន ទាំងនៅក្រៅស្រុក និងក្នុងស្រុក ដើម្បីជាពន្លឺបង្ហាញផ្លូវ ក្នុងការកសាងអំណាចដល់លោកអ្នក ឱ្យក្លាយជាមេដឹកនាំដ៏អស្ចារ្យ។“ នេះជាគំនិតដឹកនាំបែបថ្មី បុគ្គលិតមានអំណាច មេមានអំណាច ច្បាប់មានអំណាច ក្រុមហុននីនិមាគលទ្ធផលអស្ចារ្យ!

យុទ្ធសាស្រ្តទីផ្សាររបស់ម៉ាកលំដាប់ពិភពលោក

យុទ្ធសាស្រ្តទីផ្សារ របស់ ម៉ាកលំដាប់ពិភពលោក នៅពេលអ្នកដឹងពីសាវតារ ពាក្យស្លោក និងយុទ្ធនាការទីផ្សារដែលបង្កើតឡើងដោយ ម៉ាកលំដាប់ពិភពលោកទាំងនេះ អ្នកអាចនឹងក្លាយទៅជាអ្នកគាំទ្រ ឬអតិថិជនម្នាក់ របស់ពួកគេដោយមិនដឹងខ្លួន។ អ្នកនឹងចងចាំរឿងរ៉ាវ ហើយមានអារម្មណ៍ស្និទ្ធស្នាល ជាមួយផលិតផលទាំងនោះមុននឹងបានប្រើប្រាស់ទៅទៀត។ គេពូកែបង្កើតរូបារម្មណ៍ ភាពទាក់ទាញ ចិត្តសាស្ត្រ ព្រមទាំងផ្សារភ្ជាប់មនុស្សជាមួយផលិតផលរបស់ពួកគេ។ នេះហើយហៅថាយុទ្ធសាស្រ្តទីផ្សារ។ ក្រៅពីសមត្ថភាពក្នុងការបង្កើតផលិតផលដែល មានគុណភាព អ្វីដែលសហគ្រិនត្រូវចេះច្បាស់នោះ តិវិធីលក់ផលិតផលក្នុងបរិមាណ សមរម្យ តម្លៃល្អ និងរូបភាពថ្លៃថ្នូរ។ ផលិតផលខ្លះអាចលក់បានក្នុងចំនួនដ៏ច្រើន ផលិតផលខ្លះអាចលក់បានក្នុងចំនួនកំណត់ ប៉ុន្តែមានថ្លៃខ្ពស់មិនគួរឲ្យជឿ។ ហើយ ផលិតផលខ្លះទៀតលក់បានទាំងចំនួនច្រើន តម្លៃខ្ពស់ និងក្នុងរយៈពេលច្រើនជំនាន់នៃ ជីវិតមនុស្ស។ អ្នកអាចកត់សម្គាល់ឃើញថា របស់មួយចំនួនបានរស់ដល់ទៅរាប់រយឆ្នាំ មកហើយនៅលើទីផ្សារ ហើយរូបភាព និងយីហោរបស់វានៅតែរឹងមាំ និងឈានមុខ។ តោះ! សាកល្បងស្វែងយល់ពីយុទ្ធសាស្រ្តទីផ្សារដ៏មានប្រសិទ្ធភាព និងគួរឲ្យចាប់ អារម្មណ៍បំផុតដែលម៉ាកឈានមុខនៅក្នុងពិភពលោកបានប្រើប្រាស់។ សៀវភៅនេះ ក៏នឹងពិនិត្យមើលមូលដ្ឋានសំខាន់ៗជុំវិញយុទ្ធសាស្រ្តទីផ្សារដូចជា ការបែងចែកចំណែក ទីផ្សារ យុទ្ធនាការទីផ្សារ ការកំណត់តម្លៃ ការផ្សាយពាណិជ្ជកម្ម និងរឿងរ៉ាវដែលជា អត្តសញ្ញាណរបស់ម៉ាកល្បីៗពីវិស័យធុរកិច្ចផ្សេងៗគ្នា។ ស្វែងយល់ពីយុទ្ធសាស្ត្រទាំងនេះ សហគ្រិននឹងទទួលបានការយល់ដឹងបន្ថែម និងគំនិត ថ្មីៗក្នុងការច្នៃប្រឌិតវិធីសាស្ត្រដើម្បីជំរុញការលក់និងពង្រឹងម៉ាកផលិតផលរបស់ពួកគេ។

ការពិតហួសពីការគិតក្នុងអាជីវកម្ម

សាកគិតលមើល បើអ្នកចង់បង្កើត ឬនាំផលិតផលមួយមកលក់ តើត្រូវចំណាយពេល ដើមទុន និងចំណេះដឹងច្រើនប៉ុណ្ណា? តើធ្វើយ៉ាងណាដើម្បីអាចលក់ និងទទួលបានចំណែកទីផ្សារ? តើអ្នកមានវិធីសាស្ត្រអ្វីដើម្បីត្រៀមទប់ទល់ជាមួយដៃគូប្រកួត ប្រជែងត្រាក់ៗដែលមកដណ្ដើមអតិថិជន? តើផលិតផលរបស់អ្នក អាចរស់បានយូរប៉ុណ្ណាមុននឹងហួសសម័យ? តើអ្នកអាចគ្រប់គ្រង បញ្ហាប្រេះឆាជាមួយម្ចាស់ភាគហ៊ុន បញ្ជាបុគ្គលិកផ្តាច់ខ្លួន បញ្ហាអតិថិជនក្រឡុក ឬបញ្ហាដៃតូផ្គត់ផ្គង់មិនល្អ ដោយរបៀបណា? ការពិត ហួសពីការគិត ក្នុងអាជីវកម្ម ជាក់ស្តែង មនុស្ស៩០% ទៅហើយ ដែលមើលរំលង ឬមិនទាន់យល់ពីជម្រៅនៃបញ្ហាទាំងនេះ។ ម៉្លោះហើយទើបមានត្រឹមតែ ១០%ប៉ុណ្ណោះ ដែលអាចជោគជ័យក្នុងអាជីវកម្មដំបូងរបស់គេ។ អ្នកចេញរកស៊ីភាគច្រើន ចាប់ផ្តើមអាជីវកម្មជាមួយនឹងក្តីស្រមៃ ភាពរំភើប ការចង់បាន ក្តីរំពឹងខ្ពស់ និងសុទិដ្ឋិនិយម ទាំងមិនទាន់ចេះវិភាគពីតម្រូវការទីផ្សារ វិនិច្ឆ័យអំពីហានិភ័យ និងប្រមើលមើលនិន្នាការអនាគត។ គេមិនទាន់ទាំងមានជំនាញបច្ចេកទេស ចេះធ្វើទីផ្សារ ចេះដឹកនាំក្រុមការងារ ចេះគ្រប់គ្រងប្រតិបត្តិការ និងហិរញ្ញវត្ថុនៅឡើយ ដែលទាំងនេះ ជាមូលដ្ឋានសម្រាប់ភាពជោគជ័យនៅក្នុងអាជីវកម្ម។ ត្បិតតែពិបាក និងត្រូវការពេលវេលា ដើម្បីកសាង ប៉ុន្តែបើគេយល់ត្រូវ និងដើរលើផ្លូវត្រូវ នោះមុន និងក្រោយ គេនឹងអាចទៅដល់ គោលដៅជាមួយភាពប្រាកដប្រជា។ នេះហើយជាកម្មវត្ថុនៃសៀវភៅនេះ។ ស្រង់ចេញពី មេរៀនពិសោធន៍របស់អ្នកនិពន្ធ សៀវភៅនេះនឹងផ្តល់ពន្លឺខ្លះៗ ជុំវិញការធ្វើអាជីវកម្ម ការវិភាគគំនិត និងឱកាស របៀបធ្វើទីផ្សារ តិចនិចលក់ ការគ្រប់គ្រងទំនាក់ទំនងជាមួយ បុគ្គលិក ម្ចាស់ភាគហ៊ុន និងដៃគូផ្គត់ផ្គង់ ការប្រើប្រាស់លុយ ធម្មជាតិនៃការរកស៊ី បញ្ហានិង ការប្រឈមនៅក្នុងអាជីវកម្ម។ សៀវភៅនេះនឹងផ្តល់ជាមូលដ្ឋានសំខាន់ៗ ក្នុងការរៀបចំខ្លួនសម្រាប់ការធ្វើអាជីវកម្ម និងការបំភ្លឺផ្លូវជុំវិញការដោះស្រាយបញ្ហា ជាច្រើនដែលកើតមាននៅក្នុងវិថីជំនួញ។

អាត់បី

អាជីពជាអ្នកលក់គឺជាអាជីពចំណូលខ្ពស់ជាងគេបំផុតនៅលើ លោក ហើយជាជំនាញដែលចាំបាច់បំផុតក្នុងវិស័យធុរកិច្ច។ខ្ញុំ បានរកឃើញថា អនុភាព ៣ យ៉ាង ដែលធ្វើឲ្យអ្នកលក់នៅ ស្រុកខ្មែរកាន់តែពូកែជាងមុន ដែលខ្ញុំហៅថា “សន្លឹកអាត់ទាំងបី របស់អ្នកលក់”។ ជាង២ឆ្នាំមកនេះ ខ្ញុំបានដកស្រង់នៅបំណិន ជីវិតផ្ទាល់ខ្លួន គួបផ្សំនឹងគំនិតលក់របស់សហគ្រិនខ្មែរ ជាច្រើន នាក់ដែលគំនិតទាំងនេះអាចអនុវត្តន៍បាន ១០០ ភាគរយ នៅក្នុង ស្ថានភាពលក់នៅក្នុងស្រុកខ្មែរ។

វិធីសាស្ត្រជាប់អាហារូបករណ៍ទៅក្រៅប្រទេស

វិធីសាស្ត្រជាប់អាហារូបករណ៍ទៅក្រៅប្រទេស និស្សិតសឹងតែគ្រប់រូបទៅហើយដែលស្រមៃចង់ជាប់អាហារូបករណ៍ទៅសិក្សានៅក្រៅប្រទេស។ តែមិនមានច្រើនគ្នាប៉ុន្មានទេដែលអាចសម្រេចបំណងនេះ។ នោះក៏ដោយសារតែពួកគេមិនបាន ទទួលការណែនាំគ្រប់គ្រាន់ និងដឹងពីគន្លឹះសំខាន់ៗដើម្បីត្រៀមខ្លួន។ ហេតុនេះហើយ ក្នុងមួយឆ្នាំៗ មានអាហារូបករណ៍រាប់រយកន្លែងហើររំលងកម្ពុជាដោយសារយើងខ្វះបេក្ខជនមានសមត្ថភាពដាក់ពាក្យ ស្នើសុំឲ្យបានគ្រប់ចំនួន។ សៀវភៅនេះត្រូវបានតាក់តែងឡើងដើម្បីបំពេញភាពខ្វះចន្លោះទាំងនេះ។ បទពិសោធន៍ជាក់ស្តែងរបស់អ្នកនិពន្ធក្នុងនាមជាអតីតនិស្សិតអាហារូបករណ៍ ព័ត៌មានគន្លឹះពីបណ្តា ស្ថានទូតធំៗ បទពិសោធន៍៨ឆ្នាំក្នុងការរៀបចំសន្និសីទអាហារូបករណ៍ជារៀងរាល់ឆ្នាំ បូកផ្សំនឹង ព័ត៌មានល្អៗពីអតីតនិស្សិតអាហារូបករណ៍២០រូបផ្សេងទៀត សៀវភៅនេះនឹងជួយអ្នកឲ្យ៖